Արա Սարաֆեան կը դասախօսէ հայկական եւ ասորական ցեղասպանութեան մասին

Ասորական ցեղասպանութեան՝ «Սէյֆօ»ի ուսումնասիրութեան կեդրոնի կազմակերպութեամբ, վերջերս Քալիֆորնիա այցելած է եւ Լոս Անճելըսի ու Սան Տիէկոյի մէջ երկու դասախօսութիւններ տուած է պատմաբան, Լոնտոնի «Կոմիտաս» հիմնարկի տնօրէն դոկտ. Արա Սարաֆեան:
Սաֆարեան խօսած է 1915ի հայկական եւ ասորական ցեղասպանութեանց մասին՝ բաղդատութիւններ կատարելով անոնց տարողութեանց եւ զանոնք աշխարհին ծանօթացնելու աշխատանքին միջեւ: Ան ըսած է, թէ հայութիւնը ասորիներէն աւելի աշխոյժ աշխատանք տարած է իր կրած աղէտը աշխարհին ծանօթացնելու համար, սակայն դրական նկատեց այն, որ վերջին քանի մը տարիներուն ասորիները եւս սկսած են իրենց ողբերգութիւնը ծանօթացնել ակադեմական շրջանակներու մէջ:
Յայտնենք, ասորական ցեղասպանութեան ուսումնասիրութեան կեդրոնն ու «Կոմիտաս» հիմնարկը որոշած են յառաջիկայ տարուան ընթացքին հայերէնով հրատարակութիւն մը հրապարակել ասորական ցեղասպանութեան մասին:

http://asbarez.com/arm/148995/