Հազարամյա հայկական ջրաղացը ներկայում թուրքերն են օգտագործում

Թուրքիայի սահմանամերձ Հաքքարի շրջանում` Հաքքարի-Չուքուրջա ճանապարհի վրա, հայերի կողմից կառուցված ջրաղացը, անկախ տեխնոլոգիական զարգացումներից, մեր օրերում էլ շարունակում է կիրառվել թուրքերի կողմից: Ինչպես հաղորդում է «Արմենպրես»-ը, այս մասին տեղեկացնում է թուրքական Haberler.com-ը:

Պատմական ջրաղացն արդեն երկար տարիներ աշխատացնող Աբդուլսելամ Օլմեզը նշում է, որ ջրաղացը մոտ հազարամյա պատմություն ունի: «Այն կառուցվել և օգտագործվել է հայերի կողմից: Սկզբում օգտագործում էր պապիկս, իսկ հիմա` մենք»,- հայտնել է նա:

Օլմեզի խոսքերով` ջրաղացն օգտագործվում է ցորեն, եգիպտացորեն աղալու, իսկ ձմռան ամիսներին նաև քունջութի յուղ արտադրելու համար: 

http://armenpress.am/arm/news/702169/hazaramya-haykakan-jraxacy-nerkayum-turqern-en-ogtagortsum.html