Թուրքիայում մերժում են ալեւիական աղոթատեղի բացելու պահանջները

Թուրքիայում շարունակում են հրաժարվել հարգել կրոնական փոքրամասնությունների իրավունքները: Թուրքիայի խորհրդարանի պատգամավոր Հուսեին Այգյունը հանդես էր եկել թուրքական խորհրդարանում ալեւիական (շիա) աղոթատեղի բացելու պահանջով, ինչը այդ երկրի խորհրդարանի խոսնակ Ջեմիլ Չիչեքը մերժել է` ասելով, թե «ալեւիականությունը կրոն չէ, թող մզկիթ հաճախեն»:

Ինչպես հաղորդում է «Արմենպրես»–ը` վկայակոչելով CNNTürk-ը, Չիչեքի այդ պատասխանից հետո Այգյունը դատական հայց է ներկայացրել խորհրդարանի նախագահության դեմ: Թուրքիայի խորհրդարանի նախագահությունը դատարանի առաջ պաշտպանվել է, թե «ալեւիականությունը ոչ թե կրոն է, այլ իսլամի տարատեսակ», ինչով դատարանին պարտադրել է մերժել ալեւի պատգամավորի հայցը:

Թուրքիայում 20 միլիոնից ավելի իսլամի ալեւի ուղղության հետեւորդներ կան: Իշխանությունները չեն ճանաչում նրանց կրոնական իրավունքները եւ թույլ չեն տալիս աղոթատեղիներ կառուցել` կարծելով, որ նման դեպքում հնարավոր է երկրի մահմեդական բնակչությունը կանգնի պառակտման առաջ:

http://armenpress.am/arm/news/702262/turqiayum-merzhum-en-aleviakan-axotatexi-bacelu-pahanjnery.html