Դինքին սպանողին գովերգած լրագրողը դատապարտվել է ազատազրկման

Թուրքիայում Սամսունի քաղաքացիական գործերով 2-րդ դատարանը 1 տարի 3 ամիս ազատազրկման է դատապարտել Սամսունի տեղական Statüko ամսագրի համակարգող Օքան Բաշին՝ Հրանտ Դինքի սպանությունն իրականացնող Օգյուն Սամասթին գովելու համար։

Թուրքական Milliyet-ի փոխանցմամբ՝ Օքան Բաշի դեմ հայց ներկայացրած «Ոչ ասենք ռասիզմին եւ ազգայնականությանը» շարժման մամուլի խոսնակը հայտարարել է, թե դատավճիռը շատ տեղին էր եւ կարող է նախադեպ դառնալ այլատացության հանցանքների դատապարտման մեջ։

Նշենք, որ Statüko ամսագրի` հունվարի համարում Օքան Բաշը «Հրանտ Դինք անունով մեկին սպանեց, վա՞տ արեց» հրապարակման մեջ գովերգել էր Դինքին սպանած Օգյուն Սամասթին եւ վիրավորական տեսակետից ներկայացրել նրա հայ լինելը:

Դրանից հետո «Ոչ ասենք ռասիզմին եւ ազգայնականությանը» շարժումը դատական հայց է ներկայացրել Statüko-ի լրագրող Օքան Բաշի դեմ: Դատական հայցում Օքան Բաշը մեղադրվում էր հանցանքը եւ հանցագործին գովելու, անձի հիշատակը վիրավորելու եւ հանցանքը կատարելուն խրախուսելու մեջ:

http://news.am/arm/news/131961.html