Բանտերում պահվող լրագրողների թվով Թուրքիան և Ադրբեջանն առաջատարներ են աշխարհում

Լրագրողների պաշտպանութան միջազգային կոմիտեն անհանգստություն է հայտնել ամբողջ աշխարհում ճաղերի հետևում գտնվող լրագրողների աննախադեպ ցուցանիշի կապակցությամբ:

Կոմիտեն զեկույց է պատրաստել, որտեղ էլ ներկայացված է մասնագիտական գործունեության պատճառով բանտերում գտնվող լրագրողների թվի վերաբերյալ տվյալները:

Ըստ զեկույցի` 2012 թ. դեկտեմբերի 1-ի դրությամբ ամբողջ աշխարհում ազատազրկման մեջ է պահվում 232 լրագրող:
Սա ամենամեծ ցուցանիշն է` սկսած 1990 թվականից: 2011 թ. բանտերում եղել է շուրջ 180 լրագրող:

Բանտերում պահվող լրագրողների թվով առաջինը շարունակում է մնալ Թուրքիան (49 հոգի), որին հետևում են Իրանն (45 հոգի) ու Չինաստանը (32 հոգի):

Մեր մյուս հարևանը` Ադրբեջանը, նույնպես տեղ է գտել առաջին տասնյակում: Բացի վերոհիշյալ 4 երկրներից, մեծ թվով լրագրողներ են պահվում նաև Վիետնամի, Էթովպիայի, Ուզբեկստանի և Սաուդյան Արաբիայի բանտերում:

http://haynews.am/hy/1355216630