Ստամբուլի մեծ քաղաքապետարանը որոշում է կայացրել Քադըքյոյում գտնվող Աթաթուրքի արձանի եւ հարակից հրապարակի տեղում շենքեր կառուցել։
Թուրքական Hürriyet-ի փոխանցմամբ՝ Ստամբուլի մեծ քաղաքապետարանի որոշումը, որով պետք է քանդվի Քադըքյոյի հրապարակում գտնվող Աթաթուրքի արձանը, խիստ արձագանք է գտել Քադըքյոյի քաղաքապետարանում (թաղապետարանում). Քադըքյոյի քաղաքապետ Սելամի Օզթուրքը հայտարարել է, թե ինքը եւ Քադըքյոյի բնակիչները թույլ չեն տա, որ քանդվի Աթաթուրքի արձանը։
Նա նշել է, թե Ստամբուլի քաղաքապետարանում այդ նախագծի աշխատանքների մասին իրենց ոչինչ չեն հայտնել եւ իրենց կարծիքը հաշվի չեն առել։ «Ինչպե՞ս դեմ չլինեմ։ Եթե որպես քաղաքապետ դեմ չլինեմ, ուրեմն պիտի հրաժարական տամ։ Այդպես ավելի ճիշտ կլինի։ Թող Ստամբուլի մեծ քաղաքապետարանից պատասխանատուները գան եւ մեզ բացատրություն տան»,-ասել է Քադըքյոյի քաղաքապետը։
Leave a Reply