Դիարբեքիրի Սուրբ Կիրակոս հայկական եկեղեցում կազմակերպված «Գյավուր թաղ` մակույթ-ապրելավայր-արտագաղթ» թեմայով մամլո ասուլիսի ժամանակ ելույթ ունեցած ժամանակակից արևմտահայ հայտնի գրող Մկրտիչ Մարկոսյանը նշել է. «Արտագաղթել` նշանակում է վերացնել և աստիճանական անկման հասցնել որևէ մշակույթ: Հաղթահարենք արգելքները` Դիարբեքիրի մշակութային ժառանգությանը տեր կանգնելու համար: Հակառակ դեպքում լեզու սովորելու համար ստիպված կլինեք Ստամբուլ գնալ, ինչպես վարվեցի ես»:
Այս մասին հաղորդում է Akunq.net-ը` հղում անելով «Էվրենսել» օրաթերթին, որին, ի դեպ, աշխատակցում է նաև հենց ինքը` Մկրտիչ Մարկոսյանը: Աղբյուրի փոխանցմամբ` մամլո ասուլիսին, որպես բանախոս, Մկրտիչ Մարկոսյանի հետ մեկտեղ մասնակցել է նաև դոկտոր, պրոֆ. Էմինե Օնարան Ինջիրլիօղլուն: Մամլո ասուլիսին նախորդած հյուրասիրության ժամանակ Մարկոսյանը մասնակիցներին է դիմել «Բարի գալուստ Աստծո տուն» խոսքերով և իր գոհունակությունն արտահայտել տասնամյա վերանորոգումից հետո Սուրբ Կիրակոս եկեղեցու վերջնական վերաբացման առթիվ: Հայ նշանավոր արձակագիրը շեշտելով, որ Թուրքիա ժամանելիս երբեք իր երկրի հողը չի համբուրել, ասել է. «Քանզի ինձ համար հողն ավելի արժեքավոր չէ այն մարդկանցից, ովքեր ապրում են նրա վրա»: Մարկոսյանն ընդգծել է, որ մարդկանց բռնագաղթեցումն իսկական անեծք է նրանց համար, և նաև արձանագրել, թե գաղթի հետ մեկտեղ, ժամանակի ընթացքում, կարող է լրիվ վերանալ կամ աղքատանալ նաև նրանց մշակույթը: Ժամանակակից արևմտահայ հայտնի գրողը նաև նշել է. «Արտգաղթել` նշանակում է վերացնել և աստիճանական անկման հասցնել որևէ մշակույթ: Հաղթահարենք արգելքները` Դիարբեքիրի մշակութային ժառանգությանը տեր կանգնելու համար: Հակառակ դեպքում լեզու սովորելու համար ստիպված կլինեք Ստամբուլ գնալ, ինչպես վարվեցի ես»:
Ելույթներից հետո բանախոսները պատասխանել են ներկաների հարցերին:
Akunq.net
Leave a Reply