Թուրք սյունակագիրը խոսել է թուրքական ճարտարապետության մեջ Պալյանների ունեցած դերի մասին

Ժամանակակից Թուրքիայի ճարտարապետության մեջ անհնար է անտեսել հայ ճարտարապետների ունեցած լուրջ ներդրումը: Ինչպես հաղորդում է «Արմենպրես»-ը, թուրքական «Հուրիեթ» պարբերականի սյունակագիր Թահա Աքյոլն իր հերթական հոդվածներից մեկում անդրադարձել է թուրքական մզկիթների կառուցման գործում հայերի ունեցած մեծ դերին: «Իհարկե մզկիթների ճարտարապետների մեծ մասը մուսուլմաններ են, սակայն կան մի շարք ոչ մուսուլման ճարտարապետներ, որոնց ներդրումը չափազանց մեծ է»,- գրում է Աքյոլը` խոսելով Պոլսում հայտնի ճարտարապետ Պալյանների գերդաստանի մասին:

Սյունակագիրը նշում է, որ Պալյանները հայկական բարձրաշխարհիկ դասից էին: Աքյոլը գրում է Կարապետ, Նիկողոս, Հակոբ, Սիմոն, Սարգիս Պալյանների մասին` հավելելով, որ նրանք մեծ ներդրում են ունեցել արվեստի բնագավառում ալևելյան ոճից «նոր օսմանյան» ոճի անցում կատարելու մեջ: 

http://armenpress.am/arm/news/702132/turq-syunakagiry-khosel-e-turqakan-tchartarapetutyan.html