Մամուլի միջազգային ինստիտուտի (IPI) և Թուրք լրագրողների ասոցիացիայի (TGC) անդամները հանդիպում են ունեցել Անկարայում, որտեղ հանդես են եկել համատեղ հայտարարությամբ։ Դրանում, մասնավորապես, ասվում է, որ թուրքական բանտերում դեռևս 71 լրագրող է փակված, գրում է Hurriyet Daily News-ը։
IPI-ի անդամները նաև իրենց մտահոգությունն են հայտնել Թուրքիայում մամուլի ազատության ներկայիս վիճակի վերաբերյալ։
Ինստիտուտի ներկայացուցիչ Փիթեր Փրեսթոնն ասել է, որ ինքն ուշի ուշով հետևում է Թուրքիայի քայլերին, որոնք ուղղված են ժողովրդավարացման գործընթացին, և ընդգծել է, որ այդ հարցում Անկարայի տեմպը զգալի թուլացել է։
Նա նաև նշել է, որ մի շարք հանդիպումներ է ունեցել իշխանությունների հետ՝ պահանջելով ազատություն տալ ճաղերի ետևում գտնվող լրագրողներին։
http://tert.am/am/news/2012/12/07/turkish-journalists-in-prison/
Leave a Reply