Թուրքիայի նորընտիր օմբուդսմենի երդմնակալությունն անցել է ընդդիմադիր պատգամավորների բողոքի ուղեկցությամբ

Թուրքիայի առաջին օմբուդսմեն Մեհմեթ Նիհաթ Օմերօղլուի` երկրի խորհրդարանում երդմնակալության արարողությունն անցել է ընդդիմադիր պատգամավորների կողմից սեղանների վրա թմբկահարելու աղմուկի տակ:

Ինչպես հաղորդում է «Արմենպրես»–ը, Օմերօղլուի` Թուրքիայի մարդու իրավունքների պաշտպան ընտրվելուն դեմ էին արտահայտվել խորհրդարանական Ժողովրդահանրապետական (CHP) եւ քրդական Խաղաղություն եւ ժողովրդավարություն (BDP) կուսակցությունները: Նրանց դեմ արտահայտվելու պատճառն այն էր, որ Օմերօղլուն եղել է Թուրքիայի Վճռաբեկ դատարանի այն 18 դատավորներից մեկը, ովքեր կողմ են քվեարկել Ստամբուլի «Ակօս» թերթի հայազգի խմբագրապետ Հրանտ Դինքին` տխրահռչակ 301-րդ հոդվածի հատկանիշներով` թրքականության վիրավորում, դատապարտմանը:

Խորհրդարանում ներկա CHP եւ BDP կուսակցությունների պատգամավորները աղմկել են «Akbudsmen» (մերկ պաշտպան) արտահայտությամբ գրությամբ եւ օմբուդսմենի խորհրդի հինգ անդամների լուսանկարներով քարտերը բռնած: Թուրքիայի օմբուդսմենի խորհրդի անդամներից մեկը եւս Հրանտ Դինքին դատապարտած դատավորներից է:

http://armenpress.am/arm/news/701785/turqiayi-noryntir-ombudsmeni-erdmnakalutyunn-ancel.html