Թուրքական կառավարությունը 1 մլն լիրա է հատկացրել հայկական եկեղեցին վրացական վերափոխելու համար

Մինչ Հայաստանի մշակույթի նախարարությունը երկրի ներսում մշակութային արժեքներ տեղափոխելով է զբաղված, հայկական եկեղեցին այլևս հայկական չէ:

Տայքի Հայ Բագրատունյաց իշխանապետության ժառանգություն համարվող Իշխան եկեղեցին պաշտոնապես վրացական դարձավ, իսկ Թուքիայի կառավարությունը 1 մլն լիրա է հատկացրել այն վերականգնելու համար: Հիշեցնենք, որ 2003թ-ից Թուրքիայի Փամուքքալե և Սիվաս համալսարանների ճարտարապետության ֆակուլտետի մասնագետները ուսումնասիրել և գրանցել են շուրջ 300 կրոնական և պատմամշակութային արժեքներ, որոնց մեծամասնությունը Տայքի Հայ Բագրատունյաց իշխանապետության ժառանգությունն է, սակայն ներկայացվել և գրանցվել են որպես վրացական կրոնական ժառանգություն:

Երկու համալսարանի մասնագետները ավարտել են նաև հայ քաղկեդոնական Խանդզտա, Օշքի և Իշխան եկեղեցիների վերականգնման նախագծային աշխատանքները, որոնք Թուրքիայի մշակույթի նախարարությունում գրանցված են որպես վրացական եկեղեցիներ և սպասում են Թուրքիայի պետբյուջեից հատկացումների` այդ աշխատանքները վրացական կողմի մասնագետների հետ իրականացնելու համար:

Փոխադարձ պայմանավորվածության համաձայն, Իշխան եկեղեցու վերականգնման աշխատանքների ֆինանսավորումն իրականացնելու էր Թուրքիայի կառավարությունը, իսկ Օշքի եկեղեցունը` Վրաստանը:

Armweeklynews–ի տվյալներով, պետական բյուջեից Թուրքիայի կառավարությունը մշակույթի և զբոսաշրջության նախարարությանը հատկացրել է 1 մլն լիրա` 2013թ. գարնանը վերականգնողական աշխատանքներ սկսելու նպատակով:

Իսկ վրացական կողմի ճարտարապետները կիսատ են թողել Օշքի եկեղեցու վերականգնման նախագծային աշխատանքները, քանի որ Վրաստանի կառավարությունը 2013 թ. համար գումար չի նախատեսել այդ նպատակով:

Կարող ենք փաստել, որ թուրքական կողմը 2013 թ. Իշխան եկեղեցին անվերդարձ կդարձնի վրացական:

http://www.armweeklynews.am/awn/mn12/mn_1231.htm