Թուրքական կառավարությունը ցանկանում է մզկիթ կառուցել հայկական վաքըֆին պատկանող տարածքում

Թուրքական «Hürriyet»–ի սյունակագիր Յալչըն Բայերը իր հոդվածում գրել է, որ թուրքական կառավարությունը Ստամբուլի կենտրոնական Թաքսիմ թաղամասում պատրաստվում է մեծ մզկիթ կառուցել: Սակայն մզկիթի համար նախատեսված վայրը նոր թաղապետ Հալուք Օզաթալայը հարմար չի համարել, քանի որ դիմացը գտնվող շենքները կփակեն մզկիթի տեսարանը: Նա նշել է, որ Թաքսիմում կառուցվելիք մզկիթը պետք է շատ մեծ, ազդեցիկ և միջազգային ասպարեզում մրցակցային լինի, ծառայի Ստամբուլին և իսլամական աշխարհին:
Արդյունքում Օզաթալայը առաջարկել է նոր մզկիթի կառուցման վայր ընտրել 28 հազար քառ. մետրանոց մի տարածք, որը պատկանում է Սուրբ Հակոբ հայկական վաքըֆին: Նա նշել է, որ իրենք կարող են գնել այդ տարածքը թուրք հարուստ գործարարների աջակցությամբ և հավատացած է, որ աշխարհի և Թուրքիայի ճարտարապետները հանճարեղ մի բան կստեղծեն:

http://ankakh.com/2012/12/265013/?fb_action_ids=561557650525983&fb_action_types=og.likes&fb_source=aggregation&fb_aggregation_id=288381481237582