Թուրք երգչուհու խտասկավառակում նաև հայերեն երգեր կլինեն

Թուրք հայտնի երգչուհի Սեզեն Աքսուն որոշել է թողարկել 2002թ. տարբեր քաղաքներում ունեցած մենահամերգների խտասկավառակը. համերգաշարի ընթացքում երգչուհին կատարել էր երգեր՝ Թուրքիայի բոլոր փոքրամասնությունների լեզուներով։

Համերգները տեղի էին ունեցել Ստամբուլում, Անթալիայում, Իզմիրում և Բրյուսելում։

Այն ժամանակ Սեզեն Աքսուն 174 հոգուց բաղկացած երգչախմբի հետ կատարել էր  հայերեն, հունարեն, եբրայերեն, արաբերեն և քրդերեն երգեր։

Հիշեցնենք, որ այս տարի Սեզեն Աքսուն ցանկացել էր իր նոր սկավառակում ընդգրկել «Սարը գելին» («Սարի հարս») երգը՝ հայերենով, սակայն թուրքական հասարակության որոշ շերտերի ճնշմանը չդիմանալով՝ հրաժարվել էր մտադրությունից։

Մենահամերգը խտասկավառակի տեսքով թողարկելու նրա որոշմանը, սակայն, դեռևս որևէ արձագանք չի եղել։

http://tert.am/am/news/2012/12/04/sezen-aksu/