Հայ եւ թուրք հանրությունների միջեւ պահպանվում է պոտենցիալ զգալի անվստահությունը: Նման տեսակետ է հայտնել Հայաստանի ԳԱԱ Արեւելագիտության ինստիտուտի տնօրեն, պատմական գիտությունների դոկտոր Ռուբեն Սաֆրաստյանը Երեւանում կայացած «Տարածաշրջանային անվտանգության դինամիկան Հարավային Կովկասում» խորագրով կոնֆերանսում: Ըստ նրա, դժվար է հասկանալ՝ ինչու է Թուրքիան դիվանագիտական նորմալ հարաբերություններ հաստատելու համար Հայաստանի առջեւ ինչ-որ պայմաններ դնում: «Հայաստանի ոչ մի կառավարություն Թուրքիային նախնական ոչ մի պահանջ չի ներկայացրել: Հանրապետությունում քաղաքական կուսակցությունների մեծամասնությունն այդ կամ նման տեսակետ ունեն», – ասել է Սաֆրաստյանը:
Ինչ վերաբերում է Լեռնային Ղարաբաղի հարցին, որը Թուրքիան առաջադրում է որպես նախապայման, ապա գործընթացը զարգանում է հայտնի շրջանակում՝ ԵԱՀԿ Մինսկի խմբի միջնորդությամբ եւ Մադրիդյան սկզբունքների հիման վրա, որոնք մեծամասամբ ընդունվել են Հայաստանի եւ Ադրբեջանի կողմից:
«Իսկ եթե զուգահեռներ անցկացնենք, ապա իմ կարծիքով, այնքան էլ տեղին չէ թուրք-հայկական գործընթացը համեմատել թուրք-հունականի կամ թուրք-բուլղարականի հետ: Վերջին երկու դեպքում գոյություն ունեն դիվանագիտական նորմալ հարաբերություններ: Ինչո՞ւ նույնը չանել նաեւ այս դեպքում, իսկ դրանից հետո էլ շարունակել սերտացումը, որը կներառեր նաեւ լայն հանրությանը», – հավելել է թուրքագետը:
Leave a Reply