Կարսի անկումը Հայաստանի Առաջին Հանրապետության անկումն էր. վերլուծաբան

Կարսի անկումն ավելի արագացրեց Հայաստանի Առաջին Հանրապետության անկումը: Այս մասին լրագրողների հետ հանդիպման ժամանակ ասաց վերլուծաբան, լրագրող, «Հայերը և թուրքերը» գրքի հեղինակ Թաթուլ Հակոբյանը:

1920 թվականի հոկտեմբերի 30-ին, վերջին անգամ Կարսն ընկավ, և մենք այլևս չենք կարողացել վերադառնալ այնտեղ, նշեց նա: Թ. Հակոբյանն ասաց, որ Կարսի անկման օրը պետք է հիշվի ու հավուր պատշաճի նշվի. «Կարսը թուրքերի կողմից գրավված այն տարածքներից է, որտեղ, չնայած 90 տարիների ընթացքում փորձել են վերացնել, քերել հայկական հետքերը, բայց ամեն քարի տակ հայկական ինչ-որ բան կա, հայկականությունը շատ ուժեղ է զգացում: Բայց պիտի ասեմ, որ այսօր Կարսը ցավալիորեն մահմեդականներով է բնակեցված»,- ասաց նա:

Ըստ վերլուծաբանի` թուրքերը մեծ գումարներ են ներդնում Կարսը, նաև հայկական այլ քաղաքներ արագորեն զարգացնելու համար:

http://lratvakan.am/?p=6901