«Բելգե» հրատարակչությունը 2012 թ. հոկտեմբերին լույս է ընծայել ֆրանսիացի պատմաբան Իվ Տերնոնի «Հայկական տաբուի դատը 20 տարի անց» գիրքը: Աշխատությունը թարգմանել է Էմել Աքգյուլը, իսկ հրատարակության պատրաստել «Բելգե» հրատարակչատան տնօրեն Ռագըփ Զարաքօլուն:
Դոկտորական թեզը Ֆրանսիայի Սորբոն համալսարանում պաշտպանած Իվ Տերնոնը 568 էջից բաղկացած սույն աշխատության մեջ հերքում է թուրք պաշտոնական պատմագրության միակողմանի տեսակետները` Հայկական հարցի վերաբերյալ: Ռագըփ Զարաքօլուն գրքի առաջաբանում ներկայացնում է Թուրքիայում տաբու եղած հայկական թեմաների վերաբերյալ աշխատությունների հրապարակման գործընթացը, իր տիկնոջ` Այշենուր Զարաքօլուի դեմ հարուցված դատական գործն ու գործընթացը և վերջին 20 տարիներին Հայոց ցեղասպանության թեմայով քննարկումները Թուրքիայում:
Հիշեցնենք, որ «Բելգե» հրատարակչությունը դեռևս 1993 թ. տպագրել էր նաև Իվ Տերնոնի «Հայկական տաբուն» գիրքը, որը դարձել էր հանրապետական Թուրքիայում Հայոց ցեղասպանության թեմայով լույս ընծայված առաջին աշխատություններից մեկը:
Akunq.net
Leave a Reply