Թուրքահայ ոսկերիչները ցանկանում են Երեւանում գործ հիմնել

Երեւանում գտնվող թուրքահայ ոսկերիչները չեն բացառում, որ Հայաստանում եւս ներդրումներ կիրականացնեն: Այդ մասին NEWS.am-ի հետ զրույցում ասաց Ստամբուլում բնակվող հայ ոսկերիչ Սեւան Քզմազյանը: Առաջին անգամ լինելով Երեւանում՝ նա թուրքահայ այլ ոսկերիչների հետ մասնակցում է ոսկերչական իրերի երեւանյան միջազգային ցուցահանդեսին: Ս. Քզմազյանի խոսքով՝ աշխարհի բոլոր երկրների հայերը պետք է միավորվեն, ու ոչ միայն բիզնեսի ոլորտում:

Հայաստանում բիզնես ծավալելու վերաբեյալ Ս. Քզմազյանն ասաց, որ Հայ ոսկերիչների համաշխարհային ասոցիացիայի (AJA) հետ համագործակցությամբ ցանկանում են որոշ քայլեր կատարել, սակայն այս պահին միայն ուսումնասիրում են շուկան:

Ս. Քզմազյանի խոսքով՝ Թուրքիայում հայ ոսկերիչները խնդիրներ չունեն, քանի որ թուրքերն էլ քաջատեղյակ են, որ հայերն են լավագույն ոսկերիչները, ու ցանկանում են համագործակցել հայերի հետ: Թուրքահայ ոսկերիչներն իրենց արտադրանքը իրացնում են ոչ միայն Թուրքիայում, այլեւ Եվրոպայում, Իրանում, ԱՄՆ-ում ու բազմաթիվ այլ երկրներում: Ս. Քզմազյանի խոսքով՝ համագործակցելով AJA-ի հետ՝ ցանկանում են նոր շուկաներ գրավել:

Լուսանկարը՝ ԱրսենՍարգսյանի

http://news.am/arm/news/126515.html