Ըստ նախարարության` հայկական գերեզմանոցը ոչ մի արժեք չունի

Երկրի հնագույն ժողովուրդներից մեկը եղած և տեղահանված հայերին պատկանող գերեզմանոցին «անշարժ մշակութային արժեք, որը պետք է պահպանվի» կարգավիճակն անգամ շատ համարած նախարարությունն այդ ճանապարհով նույն շարքին է դասել նաև դամբարանը: Եթե  երկրում գտնվող մարդկային գերեզմանները ոչ մի արժեք չունեն, և եթե նախարարությունը երկակի ստանդարտներ չի կիրառում և հակասության մեջ չէ, այնժամ պետք է մի կանոնագիր հրապարակի, ըստ որի` «Դամբարանի և մյուս բոլոր գերեզմանների վրայով լայն ճանապարհներ անցկացնելը կրոնական պարտավորություն է»:

Հուլիս ամսին Սիիրթի (Սղերդ) Էրուհի մոտակայքում գտնվող Խերթ գյուղի մերձակայքում ցամաքային ճանապարհներ անցկացնելու աշխատանքների ընթացքում ավերված հայկական գերեզմանոցի հարցի առնչությամբ, գերեզմանոց, որում թաղված մարդկային ոսկորները ցաք ու ցրիվ էին արվել, մի լուր էինք հրապարակել, որը կրում էր «Մի հայկական գերեզմանոց էլ ոչնչացվեց» վերնագիրը: Թուրքիայի մշակույթի և զբոսաշրջության նախարարությանը ենթակա Մշակութային հարստությունների պահպանման խորհուրդը, այդ լուրի վրա հիմնվելով, մի էլեկտրոնային նամակ է ուղարկել մեզ, որում նշվում է, թե ավերված հայկական գերեզմանոցը չի եղել այն հուշարձանների շարքում, որոնք ունեն «անշարժ մշակութային արժեք, որը պետք է պահպանվի» կարգավիճակը, և որ այդ ավերումը չի վերաբերում Մշակույթի նախարարությանը:

Այդ պատասխանով այն նախարարությունը, որը պետք է տեր կանգնի երկրի պատմությանը, մշակութային և գեղագիտական արժեքներին, գնդակը խաղից դուրս է նետել: Միևնույն ժամանակ նախարարությունն իր այդ պատասխանով ամենամեծ անհարգալից վերաբերմունքն է դրսևորել երկրի պատմության, անցյալի, մշակույթի, հանգուցյալների և նրանցից մնացած հիշատակների նկատմամբ: Երկրի հնագույն ժողովուրդներից մեկը եղած և տեղահանված հայերին պատկանող գերեզմանոցին «անշարժ մշակութային արժեք, որը պետք է պահպանվի» կարգավիճակն անգամ շատ համարած նախարարությունն այդ ճանապարհով նույն շարքին է դասել նաև դամբարանը: Եթե  երկրում գտնվող մարդկային գերեզմանները ոչ մի արժեք չունեն, և եթե նախարարությունը երկակի ստանդարտներ չի կիրառում և հակասության մեջ չէ, այնժամ պետք է մի կանոնագիր հրապարակի, ըստ որի` «Դամբարանի և մյուս բոլոր գերեզմանների վրայով լայն ճանապարհներ անցկացնելը կրոնական պարտավորություն է»:

Յուրաքանչյուր բնագավառում երկրի իսկական տարրերին իր իշխանության տակ չեզոքացնել ձգտող այդ հակասական կառույցի հոծ զանգվածները պետք է վերանայեն իրենց նմանատիպ որոշումները, եթե ուզում են պատվավոր կերպով մտնել այն գերեզմանները, որոնք շատ անարժեք են համարում:

http://www.aykiridogrular.com/haber-972-Bakanliga-gore-yikilan-Ermeni-Mezarliginin-hicbir-degeri-yok.html

Թարգմանեց Մելինե Անումյանը

Akunq.net