Հայկական եկեղեցին որպես աղբանոց օգտագործելու փաստը բողոքարկվել է Թուրքիայի խորհրդարանում:
Թուրքիայի նահանգներում և Սասունի գուղերի հայկական սոցիալական աջակցության միության նախագահ Ազիզ Դաղջըն Թուրքիայի Մեծ մեջլիսի բողոքարկման հանձնաժողովին նամակ է հղել` հիշեցնելով Լոզանի համաձայնագրով Թուրքիայի Հանրապետության վերցրած պարտավորությունները` կրոնական փոքրամասնությունների հավատքի օջախների պահպանման ուղղությամբ:
Դաղջըն գրավոր տեղեկացրել է, որ Բաթման նահանգի Բեշիր շրջանի Յենիփընար գյուղում հայակական եկեղեցին օգտագործվում է որպես աղբավայր: Մեջլիսի բողոքարկման հանաձնաժողովի նախագահն իրողությունը պարզելու համար կապ է հաստատել Բաթմանի նահանգապետի հետ` պահանջելով ուսումնասիրել փաստը և հետաքննություն սկսել:
Նահանգապետը պատասխան գրության մեջ նշել է, որ թույլ չի տալիս հետաքննություն սկսել Բեշիրի շրջանի կայմակամի նկատմամբ դատախազության կողմից, քանի որ, նախնական ուսումնասիրության համաձայն, նրա գործողություններում ծառայողական պարտականությունների հանցավոր թերություն չի հայտնաբերվել:
Այժմ Դաղջըն մտադիր է դատական կարգով պահանջել պատասխանատվության կանչել Բեշիրի շրջանի ղեկավարությանը:
Հավելենք, որ հարցը միայն ինչ-որ պաշտոնյաներին պատժելու մեջ չէ, հարցը Թուրքիայում քրիստոնեական և, ասնավորապես, հայկական եկեղեցիների նկատմամբ վերաբերմունքն է:
Իսկ ինչ կասեր իսլամական աշխարհը, եթե հայերը որևէ մզկիթ վերածեին աղբավայրի, իսկ իշխանությունը դրա մեջ ոչ մի հանցանք չտեսներ:
Leave a Reply