Թուրքիայում միջուկային զենք կա. իրանական մամուլ

Թուրքիայում ԱՄՆ-ի միջուկային ռումբեր լինելու պնդումներին մեկն էլ է ավելացել. Իրանի պետական PressTV հեռուստատեսությունը հայտնել է, որ Թուրքիայի հարավում գտնվող ԱՄՆ ռազմական բազայում մոտ 70 հատ B61 տեսակի միջուկային ռումբ է պահվում:

Ինչպես հաղորդում է «Արմենպրես»–ը, իրանական աղբյուրը հայտնել է, որ «թուրքական աղբյուրները նշում են Ինջիրլիք ռազմաբազայում ռումբերի գտնվելու մասին»: «Այնտեղ տեղակայված 3.53 մետր երկարության եւ 320 կգ կշռով Termo տեսակի միջուկային ռումբերը գնահատվում են որպես ամերիկյան ամենառազմավարական զենքատեսակներից մեկը»,- հայտնել է գործակալությունը:

Նշվում է նաեւ, որ Թուրքիայում տեղակայված են ԱՄՆ ուժերի կողմից ղեկավարվող ՆԱՏՕ-ի ալեհավաքային համակարգեր:

http://armenpress.am/arm/news/697715/turqiayum-mijukayin-zenq-ka-iranakan-mamul.html