Թրքական «Հիւրրիյէթ» օրաթերթը կը հաղորդէ, որ Եւրոպայի մէջ ամերիկեան բանակի հրամանատար Մարք Հերթլինկ յայտարարած է, թէ իրենք Սուրիոյ վերջին իրադարձութիւններէն ետք «քիչ թիւով» զինուորներ ուղարկած են Թուրքիա:
Հերթլինկը Ուաշինկթընի մէջ կայացած հաւաքին ընթացքին լրագրողներուն յայտնած է, թէ Թուրքիա ուղարկուած զինուորները հետախուզութեան ներկայացուցիչներ են: Ան նշած է, որ Թուրքիա այդ ուժերը կրնայ օգտագործել շրջանները իրենց բնակիչներէն պարպելու գործողութիւններ կատարելու ընթացքին, եւ որ անհրաժեշտութեան պարագային իրենք կրնան տրամադրել նաեւ ուղղաթիռներ ու բեռնատարներ:
«Հոկտեմբեր է: Թուրքիոյ մէջ շուտով ձմեռ պիտի ըլլայ, եւ մենք անհանգիստ ենք, թէ մարդիկ ինչպէս դուրս պիտի գան սահմանային ճգնաժամէն», ըսած է ան:
Յիշեցնենք, որ ամիսներ առաջ բրիտանական «Տը Թայմզ» օրաթերթը հրապարակած էր տեղեկութիւն մը, ըստ որուն, 150 ամերիկացի զինուորներէ բաղկացած ուժ մը Յորդանան հասած է:
Leave a Reply