Դինքի սպանության հետ կապված նոր մանրամասներ են ի հայտ եկել

Ստամբուլում լույս տեսնող հայկական «Ակօս» պարբերականի նախկին գլխավոր խմբագիր Հրանտ Դինքի սպանության հետ կապված Թուրքիայում շարունակվում են նոր բացահայտումներ արվել: Ինչպես հաղորդում է «Արմենպրես»-ը, թուրքական Radikal պարբերականը հայտնում է, որ գործի առնչությամբ նոր մանրամասներ են պարզվել, համաձայն որոնց` Դինքի սպանությունը և «Զիրվե» հրատարակչությունում տեղի ունեցած հանցագործությունն իրագործողների միջև կապ կա:

Դինքի ընտանիքի իրավապաշտպան Հաքան Բաքըրջըօղլուն պահանջել է, որպեսզի հետաքննությանը մասնակցեն ոչ միայն ոստիկանները, այլև Ստամբուլի Անվտանգության և Հետախուզության վարչությունները, ինչպես նաև Ազգային հետախուզական վարչությունը:

Դատախազ Սավջը Աքքաշը հայտել է, որ ներկայում իրենք սպասում են հատուկ փաստաթղթի` երկու դատական գործեր իրար կապելու իրավունք ստանալու և նոր հետաքննություն սկսելու նպատակով:

2007 թվականի ապրիլի 18-ին Մալաթիայի «Զիրվե» հրատարակչատուն էին ներխուժել հինգ իսլամիստ մոլագարներ և սպանել էին Աստվածաշունչ տպագրող երեք քրիստոնյաների, որոնցից երկուսն ազգությամբ թուրք էին, մեկը` գերմանացի:

http://armenpress.am/arm/news/697434/dinqi-spanutyan-het-kapvats-nor-manramasner-en-i-hayt-ekel.html