Թուրքիայի գլխավոր ընդդիմադիր կուսակցապետն այցելելու է Դիարբեքիրի հայկական Սուրբ Կիրակոս եկեղեցին

Թուրքիայի գլխավոր ընդդիմադիր Ժողովրդահանրապետական կուսակցության առաջնորդ Քեմալ Քըլըչդարօղլուն առաջիկա օրերին այցելելու է Դիարբեքիր:

Թուրքական CNNturk-ի փոխանցմամբ՝ իսլամական Քուրբան բայրամի տոնի կապակցությամբ Ժողովրդահանրապետական կուսակցության առաջնորդ Քեմալ Քըլըչդարօղլուն այցելելու է գլխավորապես քրդաբնակ Դիարբեքիր:

Թուրք կուսակցապետի ծրագրում նախատեսված է այցելություն Դիարբեքիրի քաղաքապետ Օսման Բայդեմիրին, Դիարբեքիրի նահանգապետին եւ հայկական Սուրբ Կիրակոս եկեղեցի:

Նշենք, որ Դիարբեքիրի Սուրբ Կիրակոս եկեղեցում ընթանում են վանական համալիրի վերանորոգման աշխատանքների վերջին փուլը, եւ նոյեմբերի 4-ին նախատեսված է պատարագ իրականացնել ամբողջովին վերանորոգված համալիրում:

http://news.am/arm/news/126062.html