Թունջելի (Դերսիմ) նահանգի Մազգիրթի (Մազկերտ) գավառապետարանն արգելել է Դերսիմում 1937-38 թթ. իրականացված կոտորածներին զոհ գնացածների հիշատակը հավերժացնող հուշարձանի կառուցումը, որի մեկնարկն արդեն տրվել էր Մազգիրթի քաղաքապետարանի կողմից:
Այդ մասին հաղորդում է Akunq.net-ը` վկայակոչելով թուրքական լրատվամիջոցները: Աղբյուրի փոխանցմամբ` գավառապետարանն այդ որոշումը հիմնավորել է այն փաստարկով, թե այն տարածքը, որում նախատեսվում էր հուշարձանի կառուցումը, պատկանում է պետական գանձարանին: Մազգիրթի քաղաքապետ Թեքին Թյուրքիլը հաստատելով, որ այդ տարածքն իրոք գանձարանի սեփականությունն է, նշել է. «1938 թ. Դերսիմից եկած ճիչերն այդպես էլ պատշաճ արձագանք չեն ստացել: Այդ հուշարձանը հետին մտքով չէր կառուցվելու: Այն մեր կողմից ընդամենը նպատակ ուներ տեր լինել 1938 թ. ի վեր լսվող այդ ցավի ճիչերին, և ցույց էր տալու, որ մենք տեր ենք կանգնում մեր մարդկանց»:
Akunq.net
Leave a Reply