Հայոց ցեղասպանությունը Բեռլինում կդառնա մշտապես ցուցադրվող թեմաներից մեկը: Ծրագիրը կյանքի կկոչվի 2016 թ-ից, երբ Բեռլինում կբացվի «Արտաքսման կենտրոնը»:
2000 թվականից Գերմանիայում գործում է «Ընդդեմ արտաքսման կենտրոն» հիմնադրամը, որն իր համերաշխությունն է արտահայտում առհասարակ ցեղասպանությունների ու արտաքսումների զոհերին: Կենտրոնի նախագահն է Գերմանիայի իշխող Քրիստոնյա-դեմոկրատական կուսակցության պատգամավոր Էրիկա Շտայնբախը, ով էլ նախաձեռնել է Հայոց ցեղասպանության թեմայի ընդգրկումը ծրագրի մեջ: Հատկանշական է, որ գերմանացի այս քաղաքական գործիչը մշտապես հանդես է գալիս Ցեղասպանության ճանաչման պահանջով՝ ոչ միայն թուրքական, այլեւ գերմանական կառավարություններից:
«Նախատեսված մշտական ցուցահանդեսում ներկայացված են լինելու պատերազմի տարիներին արտաքսված գերմանացիների ճակատագրերը: Ինչպես կենտրոնի հիմնադրամի, այնպես էլ գիտական խորհրդի կողմից կա համաձայնություն, որ 19-րդ դարասկզբի Հայոց ցեղասպանության թեման եւս ցուցադրությունների մաս կազմի: Այն ուշագարավ է նաեւ որպես արտաքսման մեխանիզմի դրսեւորման ձեւ»,-նշել է Շտայնբախը:
Գալիք տարվա մեջ կսկսվեն Բեռլինում կառուցվելիք «Արտաքսման կենտրոնի» շինարարական աշխատանքները: Կառույցը լինելու է Բեռլինի կենտրոնում «Anhalter Bahnhof» կայարանի մոտ գտնվող Գերմանիայի տան շենքում:
Շտայնբախի այս նախաձեռնությունը տեղի է տվել ձախերի դժգոհությանը: Բունդեսթագում «Ձախ» կուսակցության մշակութային հարցով պատասխանատու Լուկ Յոխիմսենը մասնավորապես դեմ է, որպեսզի 1945 թ. Լեհաստանից ու Չեխիայից գերմանացիենրի արտաքսման եւ 1915 թ. Հայոց ցեղասպանության երևույթները համադրվեն:
Leave a Reply