Թուրք կուսակցական գործիչը խոստանում է փոխել Աթաթուրքի գերեզմանը

Թուրքիայի Ազգայնական շարժում կուսակցության նախագահի թեկնածու Սեյֆի Շահինը հանդես է եկել այդ երկրի հասարակությանը ցնցող հայտարարությամբ: Ինչպես հաղորդում է «Արմենպրես»–ը, Շահինը թուրքական ԶԼՄ-ներին հայտարարել է, որ կուսակցապետ ընտրվելու դեպքում իր ղեկավարած կուսակցությանը կբերի իշխանության գլուխ եւ կփոխի Աթաթուրքի գերեզմանը:

«Աթաթուրքի դամբարանը նման է հունական համալիրի: Մենք դա կփոխենք եւ թուրքերի հոր գերեզմանը կբերենք թուրքական հուշարձանի տեսքի: Բացի դրանից` Աթաթուրքի գերեզմանի վրա կգրենք` «Քո հոգու համար, Ֆաթիհա» (Ղուրանի առաջին սուրահը)»,-հայտարարել է թուրք կուսակցական գործիչը:

Թուրք ազգայնականը նաեւ նշել է, որ Թուրքիայի համար նոր «հզոր կրթական ծրագիր» է պատրաստելու, կանխելու է ամուսնալուծությունները, արգելելու է ամուսնական անհավատարմությունը եւ վերականգնելու է մահապատիժը:

http://armenpress.am/arm/news/697141/turq-kusakcakan-gortsichy-khostanum-e-pokhel-ataturqi.html