Թուրքիայի Մալաթիա նահանգում մեկնարկել են կանգուն մնացած հայկական եկեղեցիներից մեկի՝ Վենք (Վանք) գյուղի եկեղեցու վերակառուցման աշխատանքները։
Ինչպես տեղեկացնում է Haberler կայքը, այն իրականացնում է Մալաթիայի նահանգապետարանը։
Մալաթիայի բարեգործ հայերի միության նախագահ Խոսրով Քյոլեդավիթօղլուն կարևորել է իրենց ծննդավայրի հարստություններն ի հայտ բերելուն ուղղված աշխատանքները։
«Մալաթիայում վերակառուցման աշխատանքների իրագործումը նշանակում է, որ այն առաջվանն է լինելու։ Մալաթիան նման աշխատանքների արդյունքում ավելի հարուստ է դառնալու»,- ասել է նա։
Վերակառուցման ընթացքում քանդվելու է նաև ոչ վաղ անցյալում եկեղեցու մոտ կառուցված բետոնե շինությունը, որը որպես դամբարան է ներկայացվում. եկեղեցու հին լուսանկարներում նման շինություն չկա։
Բնակչության շրջանում տարածված տեսակետ կա, թե այնտեղ ամփոփված են Սուրբ Գևորգի մասունքները, սակայն պատմաբանները հերքում են դա։
Leave a Reply