ԱԶԿ-ն արգելել է Անկարայում «հանրապետության երթի» անցկացումը

Թուրքական Yurt թերթի փոխանցմամբ՝ Աթաթուրքյան մտածողությամբ միությունն ու Թուրքիայի Երիտասարդական միությունը, ինչպես նաև մի շարք հասարակական կազմակերպություններ պլանավորել են հոկտեմբերի 29-ին Անկարայում անցկացնել խոշոր հանրահավաք և երթ՝ կապված Թուրքիայի Հանրապետության հիմնադրման 89-ամյակի հետ:

Նրանք համապատասխան թույլտվության համար դիմել են Անկարայի նահանգապետարանին, սակայն վերջինս մերժել է նրանց խորհրդարանի հին շենքի մոտ հանրահավաք և երթ անցկացնելու հարցում:

Հիշեցնենք. սա առաջին դեպքը չէ, որ Թուրքիայի իշխող Արդարություն և զարգացում կուսակցությունը (ԱԶԿ) արգելում է հանրապետության հիմնադրման կապակցությամբ երթի անցկացումը՝ դա պատճառաբանելով խցանումների առաջացմամբ: Մինչդեռ դա իրականում քեմալիզմի հիմքերի խարխլման ուղղությամբ կատարված հերթական քայլերից է:

http://www.1in.am/arm/regional_turkey_124396.html