Թուրքիայի արտագործնախարարությունը նոր Հայաստան պետություն է հայտնաբերել անցյալում

Թուրքիայի արտգործնախարարությունը պնդում է, որ Հայաստան պետությունը միայն 25 տարի է եղել Օսմանյան կայսրության կազմում:

Թուրքիայի արտգործնախարությունը սեպտեմբերի 29-ից 30-ը արտգործնախարարության աշխատակզմի թափուր տեղերի համար կազմակերպել էր մրցույթ:

Այս շաբաթ հրապարակվել են մրցույթի հաղթողների անունները և հարցաշարի պատասխանները: Հարցաշարում ամենահետաքրքիրը հետևյալ հարց է. «Քանի՞ տարի է Օսմանյան կայսրությունը կառավարել Հայաստանը»: Պատասխանն ավելի քան զարմանալի է ` 25 տարի:

Թե սա ինչ պատմական նորամուծություն է, երբ է հասցրել Օսմանյան կայսրությունը Հայաստան պետություն հայտնաբերել իր կազմից դուրս և կառավարել ոչ ավել , ոչ պակաս` 25 տարի, հանելուկ է:

Գուցե սա արվել է այն նպատակով, որ եկող սերունդը տեղյակ չլինի, որ բուն Հայաստանը ներկայիս Թուրքիայի արևելքն ու հարավ-արևելքն է , ուր բնակվող բնիկ ժողովրդին 1915-ին բնաջնջել են:

 Թուրք նորաթուխ դիվանագետները կարող են կարծել, որ Հայաստան աշխարհը և հայերը Օսմանյան կայսրությունից դուրս են եղել, պարզապես պատմության մեջ մի չնչին հատված` 25 տարի, այն նվաճվել է օսմանցիների կողմից:

Թուրքերի այս քայլը հեռահար նպատակներ է հետապնդում, և այն պարզապես անգիտություն կամ սխալ ընկալում չի կարելի համարել:

http://www.armweeklynews.am/awn/ms12/ms_1243.htm