Քրդստանի աշխատավորական կուսակցության 20 անդամ է սպանվել Թուրքիայում

Թուրքիայում արգելված Քրդստանի աշխատավորական կուսակցության 20 անդամ է սպանվել երկրի հարավ-արևելքում, հայտնում է Xinhua լրատվականը՝ հղում կատարելով Today’s Zaman-ին:

Թուրքիայի անվտանգության ուժերը հատուկ գործողություն են իրականացրել Հաքարիի նահանգի Ջուքուրջա քաղաքում՝ Իրաքի հետ սահմանին մոտ:

Ըստ աղբյուրի՝ օդային սարքերը, որոնց տեսակը չի հրապարակվում, 30 քուրդ ապստամբ են ֆիքսել շրջանում և նրանց վրա ռումբեր նետել:

Նախօրեին քուրդ զինյալները նույն քաղաքում 3 թուրք զինվոր էին սպանել:

Թուրքիայի հարավ-արևելքում իրենց երկիրը ստեղծելու նպատակով գործող Քրդստանի աշխատավորական կուսակցությունը 1984թ. հակամարտության մեջ է Թուրքիայի իշխանությունների հետ, ինչի հետևանքով 40 000 մարդ է զոհվել: ԱՄՆ-ն ու Եվրոպական Միությունն այս կազմակերպությունն ահաբեկչական են համարում:

http://tert.am/am/news/2012/10/18/pkk-20-op/