Հայտնի քուրդ գործիչ, Ժողովրդավարական հասարակության կոնգրեսի առաջնորդ Ահմեթ Թյուրքը ներողություն է խնդրել բոլոր եզդիներից` կոտորածների և բռնությունների համար, փոխանցում է թուրքական «Անադոլու» գործակալությունը:
Ներկայիս Թուրքիայի տարածքում գտնվող Դիարբեքիր քաղաքում տեղի է ունեցել Եզդիների միջազգային համաժողովը, որին ներկա է եղել նաև քուրդ առաջնորդը:
Թյուրքն իր ելույթի ժամանակ խոսել է եզդիների կոտորածներից` ներողություն խնդրելով նրանցից:
«Մեր հայրերի և պապերի ձեռքերին եզդիների արյուն կա: Քրդերը պետք է ներողություն խնդրեն եզդիներից` բազմաթիվ ցեղասպանությունների համար: Անցյալի համար բոլոր եզդիներից ներողություն ենք խնդրում»,-հայտարարել է Թյուրքը:
Նշենք, որ եզդիների համաժողովին մասնակցել են պատվիրակություններ աշխարհի մի շարք երկրներից, այդ թվում նաև Հայաստանից:
Leave a Reply