Թուրք նախարարը քննադատել է Եվրոմիությանը` իր երկրին 50 տարի դռների ետեւում պահելու համար

Թուրքիայի էկոնոմիկայի նախարար Զաֆեր Չաղլայանը Եվրոմիությունը համարում է աշխարհի ամենակեղծավոր կառույցը:

Ինչպես հաղորդում է «Արմենպրես»-ը` վկայակոչելով «Ինտերֆաքս»-ը, թուրք նախարարը հայտարարել է, թե Եվրոմիությունը բոլոր ժամանակների ամենից երկերեսանի եւ կեղծավոր կառույցն է: «Այն արդեն 50 տարի ստիպում է Թուրքիային` սպասել իր դռների մոտ»,- հայտարարել է նա:

Նախարարը նաեւ ավելացրել է, թե իր մոտ ծիծաղ է առաջացրել այն հանգամանքը, որ հենց Եվրոմիությունն է արժանացել Նոբելյան մրցանակի: «Եթե այդ կառույցին տրվի մրցանակ երկերեսանիության եւ կեղծավորության համար, այդ պարագայում մրցանակը կհամարվի արդարացի»,- նկատել է նա:

http://armenpress.am/arm/news/696531/turq-nakharary-qnnadatel-e-evramiutyany-ir-erkrin-50-tari.html