Թուրքիայի խորհրդարանը ևս մեկ հարևան երկրում` Հյուսիսային Իրաքում մարտական գործողություններ իրականացնելու մանդատ տվեց

Թուրքիայի խորհրդարանը այսօր ևս մեկ հարևան երկրում ռազմական գործողություններ իրականացնելու մանդատ է տրամադրել երկրի կառավարությանը: Այս պարագայում, ըստ էության մեկ տարով երկարաձգվել է սահմանակից Հյուսիսային Իրաքում ռազմական գործողությունների իրականացման արտոնումը, հաղորդում է «ՌԻԱ նովոստի» գործակալությունը:

Թուրքիայի խորհրդարանը ևս մեկ տարով երկարաձգեց Իրաքի հյուսիսում Քրդական աշխատավորական կուսակցության անջատողականների դեմ մարտական գործողությունների անցկացումը, թուրքական խորհրդարանից հաղորդում են տեղական ԶԼՄ-ները:

Հիշեցնենք, որ ժամեր առաջ Թուրքիայի օդուժը զանգվածային ռմբակոծման էր ենթարկել Իրաքի հյուսիսում Քրդական աշխատավորական կուսակցության անջատողականների տեղակայման շրջանները:

Նշենք նաև, որ թուրքական բանակը պարբերաբար գործողություններ է իրականացնում Հյուսիսային Իրաքում` քրդերի դեմ և պարբերաբար խորհրդարանը երկարաձգում է նման գործողությունների մանդատը: Քրդերի դեմ Իրաքում իրականացվող գործողությունները հիմնականում օդային բնույթ են կրում:

Թուրքիայի` քրդական ինքնավարության համնար պայքարող Քրդական աշխատավորական կուսակցության հետ հակամարտությունը շարունակվում է ավելի քան 25 տարի, այն ավելի քան 40 հազար մարդու կյանք է խլել:

http://tert.am/am/news/2012/10/11/turkish-parliament-iraq/