«Ներկված» Աթաթուրքը ադրբեջանցիների՞ ձեռքի գործն է

Հունգարիայի հայ համայնքում հերքել են թուրքական լրատվամիջոցների այն մեղադրանքները, թե հայերը Բուդապեշտում Աթաթուրքի արձանի պղծմանը մասնակցություն ունեն:

«Ոչ մի տվյալ չկա` կատարվածին հայերի մասնակցության մասին: Հայերի մասնակցությամբ ցանկացած միջադեպի մասին իրավապահներն անհապաղ տեղեկացնում են համայնքի ղեկավարությանը: Տվյալ դեպքում կատարվածի հետ հայերի մասնակցության վերաբերյալ ոչ մի տեղեկություն չկա»,- NEWS.am-ի թղթակցի հետ զրույցում ասաց Հունգարիայի հայկական ազգային ինքնավարություն կազմակերպության փոխնախագահ Նիկողայոս Հակոբյանը:

Նա հիշեցրեց, որ հայ համայնքն իսկապես դեմ էր հանդես գալիս հուշարձանի տեղադրմանը: «Սակայն նույն հաջողությամբ կարելի է խոսել նաեւ հույների մասնակցության մասին, նրանք եւս վրոդվված էին,  ու նաեւ քրդերը»,-նշեց Հակոբյանը: Աթաթուրքի հուշարձանը Բուդապեշտում կանգնեցվել էր սեպտեմբերի 29-ին: Անցած գիշեր անհայտ անձինք կոտրել են հուշարձանը եւ ներկ լցրել վրան:

Ուշագրավ է, որ միջադեպը համընկել է Բուդապեշտում ադրբեջանա-հունգարական գործարար համաժողվի անցկացման հետ: Հաշվի առնելով մեթոդները, որոնց ադրբեջանական կողմը հաճախ դիմում է, միանգամայն հնարավոր է, որ կատարվածը լինի հայերին «սեւացնելու» ադրբեջանական հերթական սադրանքը:

http://news.am/arm/news/124071.html