Թուրքական ռազմական ինքնաթիռները ռմբակոծել են քրդական ճամբարները

Թուրքիայի օդուժը ռմբակոծել է Քրդական բանվորական կուսակցության` Հյուսիսային Իրաքում գտնվող ճամբարները: Այս մասին տեղեկացնում է «Արմենպրես»-ը` վկայակոչելով SamanYoluHaber.com-ը:

Գործողությունն իրականացրել են Դիարբեքիրի երկրորդ օդուժի հրամանատարության 12-ից ավելի F-16 ռազմական ինքնաթիռները: Թուրքական կողմի տեղեկացմամբ` իրենց նման քայլի պատճառը ստացված հետախուզական տվյալներն են եղել:  Գործողության ժամանակ ռմբակոծվել են Քանդիլ և Զափ լեռների վրա գտնվող չորս տարբեր ռազմաբազաներ: Թուրքական կայքի փոխանցմամբ` ռազմական ինքնաթիռները հրետանակոծել են Քրդական բանվորական կուսակցության գլխավոր ճամբարները, որտեղ այդ ժամանակ գտնվել են նաև քուրդ առաջնորդներ Մուրադ Քարայըլանը, Ջեմիլ Բայըքը և Դուրան Քալքանը: Մարդկային կորուստների մասին տեղեկություններ դեռեւս չեն հաղորդվում:

http://armenpress.am/arm/news/695662/turqakan-razmakan-inqnatirnery-rmbakotsel-en-qrdakan-tchambarnery.html