Անիի ավերակները` արոտավայր

Անիի ավերակները շարունակում են արոտավայր ծառայել տեղի գյուղացիների անասունների համար:

Այդ մասին հաղորդում է Akunq.net-ը` հղում անելով թուրքական «Դողան» լրատվական գործակալությանը: Աղբյուրի փոխանցմամբ` տեղի գյուղացիները հենց այստեղ են բերում իրենց անասուններին` արածեցնելու և ջրելու:

Թուրքիայի մշակույթի և զբոսաշրջության նահանգային տնօրինությունը խնդրել է Օջաքլը գյուղի բնակիչներին ավելի ուշադիր լինել պատմական հուշարձանների նկատմամբ: Մշակույթի և զբոսաշրջության նահանգային տնօրեն Հաքան Դողանայը տուրիստական նախագծեր է մշակում, որոնց շնորհիվ կարող են գումար վաստակել նաև տեղի գյուղացիները: Դողանայը լրատվական գործակալության թղթակցի հետ զրույցում նշել է, որ գյուղացիները, թեև ակամա, սակայն երբեմն վնաս են հասցնում Անիի հուշարձաններին, սակայն երբ սկսեն գումար վաստակել այստեղ այցելող զբոսաշրջիկների միջոցով, ապա «կհասկանան» Անիի արժեքը:

Akunq.net