Թուրքիան կարող է ժամերի ընթացքում հողին հավասարեցնել Սիրիան. թուրք նախարար

Թուրքիան կարող է շատ կարճ ժամանակում հաղթել Սիրիայի դեմ պատերազմում, սակայն չի ցանկանում դա։ Այս մասին, «ՌԻԱ Նովոստի»-ի փոխանցմամբ, հայտարարել է Թուրքիայի Եվրամիության հարցերի նախարար Էգեմեն Բաղըշը։

«Եթե Թուրքիան պատերազմի կողմնակից լիներ, ապա կործանված օդանավի միջադեպից հետո (հունիսի 22-ին, երբ սիրիական բանակը ոչնչացրել էր թուրքական ՌՕՈՒ պատկանող հետախուզական ինքնաթիռը) Սիրիան կհավասարեցներ հողին։ Թուրքիայի ռազմական հզորությունը թույլ է տալիս վերջ դնել Սիրիային ժամերի ընթացքում, սակայն մենք խնդիր չունենք Սիրիայի ժողովրդի հետ»,- նախարարի խոսքը մեջբերել են էլեկտրոնային լրատվամիջոցները։

Թուրք նախարարն ընդգծել է, որ Թուրքիան չի ցանկանում պատերազմ, սակայն «հանուն իր հանգստության՝ պետք է մշտապես պատրաստ լինի ամեն ինչին»։

http://tert.am/am/news/2012/10/05/turkey-minister-syria/