Հազարավոր ցուցարարներ բողոքել են՝ ընդդեմ Թուրքիայի խորհրդարանի «պատերազմական» որոշման

Թուրքիայի խորհրդարանի կողմից երեկ հաստատված որոշումը, որով Թուրքիայի կառավարությունը մեկ տարի ժամկետով զինված ուժերին տնօրինելու արտոնություն էր ստացել, առաջացրել է հազարավոր թուրքերի զայրույթը։
Կառավարությունը, ստացած արտոնությամբ, անհրաժեշտության դեպքում թուրքական զորքը կարող է մուտք գործել Սիրիայի տարածք և այնտեղ ռազմական գործողություններ իրականացնել։
Ինչպես տեղեկացնում է CNNturk-ը, Թուրքիայի բազմաթիվ մեծ քաղաքներում բողոքի զանգվածային ակցիաներ են տեղի ունեցել։ 

Ստամբուլի Թաքսիմ հրապարակում հավաքված բազմությունը քայլերթ է իրականացրել՝ «ոչ պատերազմին», «ուս ուսի՝ ընդդեմ ֆաշիզմի», «մենք իմպերիալիզմի զինվորներ չենք» և այլ կարգախոսներով, ինչպես նաև կառավարության և խորհրդարանի հրաժարականի կոչերով։
Բողոքի ակցիաներ են կայացել նաև Իզմիր, Մերսին, Բուրսա քաղաքներում։ Հավաքվածները հայտարարել են, թե դեմ են պատերազմին, և առաջարկել են Էրդողանին և խորհրդարանի անդամներին՝ անձամբ մեկնել պատերազմ։
 

http://www.tert.am/am/news/2012/10/05/turkey-protests/