Փիթեր Բալաքյանը` հունական ուղղափառ տաճարում և Ուիթմենի ծննդավայրում

Այսօր` հոկտեմբերի 4-ին, երեկոյան ժամը 7-ին հանրահայտ ամերիկահայ գրող Փիթեր Բալաքյանը հյուրընկալվելու է Հեմպստեդում գործող հունական ուղղափառ Սբ Պողոս մայր տաճարում` հատվածներ կարդալու «Լոս Անջելես թայմսի» կողմից «1997 թ. լավագույն գրքերից մեկը» ճանաչված իր հայտնի «Ճակատագրի սեւ շունը» հատոր-հուշագրությունից, ինչպես նաեւ քննարկելու սերունդների վրա Հայոց ցեղասպանության թողած հետեւանքները:

Երեկոն բացելու է Հոֆստրա համալսարանի պրոֆեսորներից Թինա Մավրիկոս-Ամադուն, որը խոսելու է հայ-հունական կապերի եւ պատմական նմանությունների մասին:

Իսկ շաբաթ օրը` հոկտեմբերի 6-ին, նա հանդես է գալու Ուոլտ Ուիթմենի ծննդավայրում` Լոնգ Այլենդում գործող «Ուիթմենի բանաստեղծություններին համաքայլ» պոեզիայի ընթերցումների շարքի հերթական միջոցառմանը:

Ըստ «Արմինյն միրոր-սփեքթեյթր» շաբաթաթերթի տեղեկատվության` ընթերցումների եւ քննարկումների ավարտին տեղի է ունենալու ընդունելություն:

Հ. Ծ.

http://azg.am/AM/2012100417