Թուրքիայի կրոնական գործերի նախագահ Մեհմեդ Գյորմեզը, պատասխանելով մի լրագրողի այն հարցին, թե ինչպես կգնահատեք Մուհամեդ մարգարեի հասցեին վիրավորանքներ պարունակող ֆիլմի վերաբերյալ գրող Սևան Նիշանյանի այն որակումը, թե ֆիլմը խոսքի ազատության շրջանակներում է արված, ասել է, որ որպես հավատացյալ և որպես մարդ` այդ արտահայտությունների համար ամոթ է զգում:
«Քանի որ ամեն մի հավատացյալ նախ և առաջ Մուհամեդ մարգարեին իր կյանքից ավելի թանկ է համարում: Սակայն մենք պարտավոր չենք ուշադրություն դարձնել ամեն տեսակ նյարդային հերյուրանքների վրա: Հատկապես սա եմ ուզում ընդգծել: Սա ընդամենը մտածողություն չէ, կարծիք չէ, նույնիսկ ատելություն էլ չէ, սա մի նյարդային հերյուրանք է: Այս տեսակ խելագարների համար մենք` հավատացյալներս, միայն կարող ենք բժշկություն խնդրել և աղոթել»,-Գյորմեզի խոսքերն է վկայակոչում թուրքական «Radikal»-ը:
Հիշեցնենք, որ ստամբուլահայ գրող Սևան Նիշանյանը աղմկահարույց ֆիլմը որակել էր որպես խոսքի ազատության արտահայտում`հարուցելով հավատացյալների դժգոհությունը:
Սևան Նիշանյանը քննադատության է արժանացել
•
Leave a Reply