Թուրքիան պատերազմում ավելի շատ բան կկորցնի, քանի Սիրիան. Պենտագոն

Պենտագոնը որոշ անհանգստությամբ հետեւում է Սիրիայի եւ Թուրքիայի միջեւ սահմանային փոխհրաձգությանը, «սակայն տվյալ պահին որեւէ հիմք չկա ենթադրելու, որ դա կվերաճի լայնամասշտաբ դիմակայության». CNN-ին հայտնել է ԱՄՆ պաշտպանության նախարարության բարձրաստիճան մի աշխատակից:

Ըստ նրա` երկու կողմն էլ շահագրգռված չեն, որ դիմակայությունը լրջանա: «Ինչ-որ իմաստով, Թուրքիան պատերազմում ավելի շատ բան կկորցնի, քան Սիրիան: Թուրքիան արդեն պոտենցիալ խնդիրներ ունի սիրիացի փախստականների հետ, իսկ պատերազմը կվատթարացնի այդ վիճակը»,- ասել է նա` հավելելով, որ Սիրիան, իր հերթին, բազմաթիվ խնդիրներ ունի, եւ նոր խնդիրը նրանց ամենեւին պետք չէ:

http://www.yerkir.am/am/news/32711.htm