Թուրքիայի Մեծ մեջլիսի որոշումը նաև Հայաստանին է վերաբերում

Հարկավոր է շատ ուշադիր ընթերցել Թուրքիայի խորհրդարանի որոշումը:

Թուրքիայի զիված ուժերի կիրառման վերաբերյալ Մեծ մեջլիսի որոշումը վերաբերում է սահմանակից բոլոր պետություններին:

Հոկտեմբերի 4-ին Թուրքիայի Մեծ մեջլիսը մեկ տարով երկարաձգել է օտար երկրներում զինված ուժերի կիրառման թույլտվությունը` երկրի անվտանգության, սահմանների պաշտպանության և ահաբեկչական գործողությունների կանխարգելման հիմքով:

Թեև օտարերկրյա և հայաստանյան լրատվամիջոցները գրում են, որ Մեջլիսի այսօրվա որոշումը վերաբերում էր Սիրիային, սակայն դա մասամբ է ճիշտ: Այս որոշումը Մեծ մեջլիսն ընդունել էր մոտ երեք տարի առաջ` Իրաքի հյուսիսային շրջաններում Քրդական աշխատավորական կուսակցության` PKK-ի բազաների դեմ գործողություններ իրականացնելու նպատակով:

Սակայն բանն այն է, որ որոշման մեջ նշված չէ, թե որ պետության մասին է խոսքը: Մեծ մեջլիսի որոշման մեջ նշված է “արտասահմանյան երկրներում կամ օտար երկրներում”:

Նույն հաջողությամբ Թուրքիայի այդ որոշումը կիրառելի է ոչ միայն Իրաքի և Սիրիայի նկատմամբ, այլ նաև` Հայաստանի և Իրանի:

http://www.armweeklynews.am/awn/ms12/ms_1126.htm