Թուրքիայի հարավ-արեւելքում շինարարարության ընթացքում հայերի ոսկորների են հանդիպել

Թուրքիայի հարավ-արեւելյան Հաքքարի նահանգում նոր նահանգապետարանի կառուցման ժամանակ հայտնաբերվել են իրար կողքի թաղված 7 կմախքներ:

Թուրքական Radikal-ի փոխանցմամբ՝ Հաքքարիի Ժանդարմերիայի հրամանատարության նահանգային շենքի տեղում նահանգապետարանի նոր շենք կառուցելու ժամանակ հայտնաբերված կմախքների փորձանմուշները հետազոտության համար ուղարկվել են Ստամբուլի եւ Անկարայի դատաբժշկական փորձաքննության կենտրոններ:

Հաքքարիի ոստիկանությունը հայտարարություն է տարածել, որ հայտնաբերված կմախքներն ըստ թաղված ձեւի պատկանում են հայերի եւ քաղաքապետարանն աշխատանքներ է իրականացնում դրանք այլ վայրում վերաթաղելու համար:

Հաքքարիի փաստաբանների պալատի նախագահ Քութբեթին Բեյազըթը հաստատել է, որ շինարարության ժամանակ հայտնաբերվել են հայերի կմախքներ:

http://news.am/arm/news/123504.html