Թուրքիայի փոխվարչապետը հայտնել է հայկական եկեղեցիների քանակը

Թուրքիայի փոխվարչապետ Բեքիր Բոզդաղը պատասխանել է ընդդիմադիր Ժողովրդա-հանրապետական (CHP) կուսակցության` Թունջելիից (Դերսիմ-Ակունքի խմբ.) ընտրված պատգամավոր Հուսեյն Այգունի՝ Թուրքիայում գործող եկեղեցիների քանակի հետ կապված հարցին:

Թուրքական Timeturk կայքի փոխանցմամբ՝ Թուրքիայի փոխվարչապետ Բեքիր Բոզդաղը հայտնել է, որ Թուրքիայում գործում են հրեական 38 սինագոգ, հույներին պատկանող 140 եկեղեցի, հայերին՝ 52 եւ ասորիներին՝ 58 եկեղեցի:

Բեքիր Բոզդաղը շեշտել է, թե Թուրքիայում կա գրանցված ընդհանուր 349 եկեղեցի:

Նշենք, որ ավելի վաղ Բեքիր Բոզդաղը հայտնել էր, որ 2002 թ. ի վեր Թուրքիայում կրոնական արարողությունների անցկացման համար բացվել է 10 եկեղեցի, իսկ նույն ժամանակահատվածում վերանորոգվել է 68 եկեղեցի։

http://news.am/arm/news/123330.html