Թուրքիայի մշակույթի և զբոսաշրջության նախարարության կողմից «հատուկ նախագծեր» անվան տակ իրականացվող աշխատանքներում որոշակի տեղ են զբաղեցնում եկեղեցիները և հին դարաշրջանների անտիկ տաճարները: Նախարարության` 2011 թ. գործունեության վերաբերյալ հրապարակած զեկույցի համաձայն` բազմաթիվ մզկիթներից բացի, էական տեղ է հատկացվել նաև եկեղեցիների և հեթանոսական տաճարների վերականգնմանը: Որոշ եկեղեցիների վերանորոգմանն աջակցում է նաև Թուրքիայում ԱՄՆ-ի դեսպանատունը:
Այդ մասին հաղորդում է Akunq.net-ը` հղում անելով թուրքական «Yeni Akit» պարբերականին: Ըստ աղբյուրի, զեկույցում տեղ գտած տվալների համաձայն, նման վերականգնումներ են նախատեսվում նաև Անիի մի քանի եկեղեցիներում, մասնավորապես` Տիգրան Հոնենց եկեղեցում, Անիի Մայր տաճարում (Սուրբ Կաթողիկեում) և Սուրբ Ամենափրկիչ եկեղեցում:
Ինչպես նշում է թուրքական աղբյուրը, Մշակույթի և զբոսաշրջության նախարարության առաջնահերթությունների շարքում, եկեղեցիներից բացի, էական տեղ են զբաղեցնում նաև հին հեթանոսական դարաշրջանի հուշարձանները, այդ թվում` Նեմրութ լեռան հայ հեթանոսական աստվածների արձանները:
Akunq.net
Leave a Reply