Հայաստանի հետ հարաբերությունների վերաբերյալ Թուրքիայի դիրքորոշումն անփոփոխ կմնա այնքան ժամանակ, քանի դեռ ղարաբաղյան հակամարտություն չի լուծվի ադրբեջանցիների պահանջներին համապատասխան, այս մասին հայտարարել է Թուրքիայի վարչապետ Թայիփ էրդողանը` Արդարություն եւ զարգացում կուսակցությանն ուղղված ուղերձում:
Նրա խոսքով, «Թուրքիան երբեք չի կարգավորի հարաբերությունները Հայաստանի հետ, քանի դեռ մեր ադրբեջանցի եղբայրներն իրենց ուզածը չեն ստացել»: «Մենք կշարունակենք մեր սկզբունքները պնդել Կիպրոսի եւ Լեռնային Ղարաբաղի հարցում», ասել է Էրդողանը: Թուրքիայի վարչապետն անդրադարձել է նաեւ Իսրայելի հետ հարաբերություններին` նշելով, որ երբեք չեն վերանայի իրենց հարաբերություններն Իսրայելի հետ, քանի դեռ նա չի ապաշրջափակել Գազայի հատվածը եւ ներողություն չի խնդրել` «Ազատության տորմիղի» դեպքերի հետ կապված:
Leave a Reply