Թուրքիայում ֆիլմ է նկարահանվել հայ կոմունիստական գործչի մասին

Թուրք ռեժիսոր Դենիզ Քոչաքը «Կյանքի ատաղձագործը» վերնագրով ֆիլմ է նկարահանել թուրքահայ կումունիստական գործիչ Սարգիս Չերքեզյանի մասին: Ինչպես հաղորդում է «Արմենպրես»–ը` վկայակոչելով CNNTurk-ը, հայ կոմունիստի կենսագրությունը պատմող ֆիլմի առաջին ցուցադրությունը տեղի է ունեցել սեպտեմբերի 27-ի երեկոյան` Ստամբուլի «Թարըք Զաֆեր Թունայա» մշակույթի պալատում: Ֆիլմը պատմում է Թուրքիայի հայ եւ հույն քաղաքացիների, կոմունիստների եւ բանվոր դասակարգի կյանքի մասին:

Սարգիս Չերքեզյանը մահացել է 2009 թ.` 93 տարեկանում: Թուրքիայի կոմկուսի անդամ Չերքեզյանն իր արհեստանոցում գաղտնի կազմակերպել է թուրք կոմունիստների «Թռիչք» թերթի տպագրությունը: Նա կատարել է մի շարք թարգմանություններ, հեղինակել է «Աշխարհը բոլորիս կհերիքի» գիրքը, որի հիման վրա էլ նկարահանվել է ֆիլմը:

http://armenpress.am/arm/news/694513/turqiayum-film-e-nkarahanvel-komunistakan-hay-gortschi.html