Ստամբուլի ծանր հացագործությունների գործերով 14-րդ դատարանը Հրանտ Դինքի սպանության գործով դատական վճիռն ու կից բոլոր փաստաթղթերը կրկին ուղարկել է Վճռաբեկ դատարան:
Ինչպես տեղեկացնում է թուրքական Hurriyet-ը, դատարանի կողմից լրացված փաստաթղթերի ուղարկումը Վճռաբեկ դատարան թույլ է տալիս սկսել դատարանի որոշման բողոքարկման փուլը:
Ավելի վաղ հայտնի էր դարձել, որ թեեւ դատարանի որոշումից անցել է 8 ամիս, սակայն դատարանը վճռի հաստատման համար Վճռաբեկ դատարան է ուղարկել դատական վճռի թերի փաստաթղթեր։
Դինքի ընտանիքի փաստաբան Ֆեթհիյե Չեթինն անհանգստություն էր հայտնել, որ առաջիկա 4 ամսում՝ մինչեւ 2013-ի հունվարի 23-ը, Վճռաբեկը չի հասցնի որոշում կայացնել, իսկ դա կարող է նշանակել, որ ցմահ ազատազրկման դատապարտված Յասին Հայալը կարող է ազատության մեջ հայտնվել, քանի որ այդ ժամանակ լրանում է կալանքի տակ գտնվելու 6 տարին։ Բանն այն է, որ թուրքական օրենքներով 6 տարի կալանքի տակ գտնված անձը, ում դեմ դեռ չկա դատական հաստատված որոշում, պետք է ազատ արձակվի։
Leave a Reply