Իզմիրում վաճառքի է հանվել Հունաստանի հյուպատոսարանի պատմական շենքը

Հունաստանը տնտեսական ճգնաժամի պատճառով վաճառքի է հանել Թուրքիայի Իզմիր քաղաքում գտնվող գլխավոր հյուպատոսարանի շենքը, հայտնում է «Անադոլու» գործակալությունը:
 Իզմիրի մարզի Քոնաք շրջանի ղեկավար Հաքան Թարթանը տեղեկացրել է, որ իրենք պատրաստվում են Հունաստանից գնել շենքը:

Պատմական կառույցը քաղաքապետարանը ցանկանում է վերածել թանգարան- բուտիկի:«Մենք մտադիր ենք քաղաքի մշակութային կյանք մտցնել այդ շենքը»,-ասել է Թարթանը:

 Չի բացառվում, որ շինությունը կկոչվի խաղաղության թանգարան և այնտեղ կցուցադրվեն 1920-ականների թուրքերի, հույների հագուստները, լուսանկարները և այլ իրեր:
Այժմ շարունակվում են բանակցությունները շինության արժեքի վերաբերյալ:

http://tert.am/am/news/2012/09/24/izmir-greece/