Ի՞նչ է լինելու Ֆաթիհի եկեղեցու վիճակը

Վանի Նահանգային մշակույթի վարչությունը չի սկսել Վանի Յոթ եկեղեցու վերանորոգման աշխատանքները, քանի որ չի կարողացել կապ հաստատել եկեղեցու տիրոջ հետ: Պարզվել է` եկեղեցին պատկանում է Ֆաթիհ Ալթայլըին:

«Թարաֆ» թերթի փոխանցմամբ Վանի Յուքարը Բաքրաչլը գյուղում գտնվող, Յոթ եկեղեցի հիշատակվող եկեղեցու վերանորոգման աշխատանքները չեն սկսվել, երբ գործը հասել է գնման կայքագրին: Սկսել են փնտրել եկեղեցու և գյուղի տիրոջ` քաղաքացի Հուսամեդդին Ալթայլըի ժառանգներին: Պարզվել է, որ եկեղեցու գնման կայքագիրը գտնվում է Հուսամեդդին Ալթայլըի թոռան` «Հաբերթուրք» թերթի գլխավոր խմբագիր Ֆաթիհ Ալթայլըի մոտ:  «Թարաֆ» թերթի հետ զրույցում Ալթայլըն ասել է` «այո’, եկեղեցին իմն է»:

Վերանորոգումը ուշանում է

Վան նահանգի մշակույթի վարչությունը, ցանկանալով վերանորոգել Վանի Յուքարը Բաքրաչլը գյուղի 200 տարվա պատմություն ունեցող Յոթ եկեղեցին, որն անցյալ տարվա երկրաշարժից մեծ վնաս էր կրել, աշխատանքները սկսելու համար դիմել էր Վանի գնման կայքագրերի կադաստրի վարչություն:  Հուսամեդդին Ալթայլըի ունեցվածքը հանդիսացող եկեղեցում վերանորոգման աշխատանքներ սկսելու համար անհրաժեշտ էր գտնել նրա ժառանգներին: Սակայն թեև անցել էր երկար ժամանակ, սակայն ոչ մեկի չէին կարողացել գտնել:

Պապիկիս եկեղեցին

Համաձայն Անատոլիայի ժողովուրդների ճարտարապետական ժառանգության վերաբերյալ աշխատություններ կատարող Օսման Քյոքերի` այն բանից հետո, երբ հայերին գաղթեցրել են, գյուղը, որտեղ գտնվում է եկեղեցին և եկեղեցու թափուն (գնման կայքագիր), անցել է Հուսամեդդին Ալթըայլըին, ով ենթադրվում է, թե թուրք է կամ թուրքմեն: Քյոքերը հայտնելով, թե իրատեսական չէ, որ Նահանգային վարչությունը հայտնում է` ժառանգներին «չեն կարողանում գտնել», ասել է. «Վանում բոլորը գիտեն, որ այդ գյուղը մի ժամանակ պատկանել է Հուսամեդդին Ալթայլըին, ով լրագրող Ֆաթիհ Ալթայլըի պապիկն է: Ամեն անգամ, երբ գնում եմ, եկեղեցին ավելի վնասված եմ գտնում: Իսկ անցյալ տարվա երկրաշարժի արդյունքում եկեղեցու մուտքի դուռն ամողջությամբ փլուզվել է: Վերանորոգման ուշացման պատճառով շինություններն անդառնալիորեն կփլուզվեն»:

Իսկ Ֆաթիհ Ալթայլըն, ում հետ հաջողվել է «Թարաֆին» կապ հաստատել, Քյոքերի ասածը հաստատել է: Ալթայլըն ասելով, թե «եկեղեցին իմն է», հավելել է, որ ոչ ոք եկեղեցու վերանորոգման համար իր հետ կապ չի հաստատել. «Եկեղեցու թափուն ինձ մոտ է: Այդ վայրը պատկանել է պապիկիս: Պապիկիցս հորս է անցել, հայրս էլ մահանալուց աաջ ինձ է թողել: 40-50 տարի առաջ պապիկս վերանորոգել է տվել այնտեղի եկեղեցիները, որպեսզի չփլվեն: Այլևս ոչ ոք ձեռք չի տվել, այդպես էլ մնացել է: Գյուղը ևս մեզ է պատկանում, սակայն ո’չ գնում եմ, ո’չ էլ տեսնում եմ, տեղյակ չեմ: Երկար ժամանակ է` Վան չեմ գնացել: Այս դեպքի մասին էլ Ձեր շնորհիվ իմացա»:

Ալթայլըն, հայտնել է, որ իր հետ կապ հաստատելու  դեպքում կանի օրենքով սահմանված գործընթացը. «Ինձ ոչ ոք ո’չ զանգել է, ո’չ էլ որևէ բան հարցրել: Ոչ մի բանից տեղյակ չեմ: Ինչ էլ, որ անհրաժեշտ լինի, թույլ կտանք: Եթե ասեն վաճառեք, կվաճառենք: Այսինքն` ինչ որ ուզեն կկատարենք: Եկեղեցին այնտեղ կանգնած է, ես ի՞նչ եմ անելու եկեղեցին: Ըստ էության, այն վերանորոգելու գումար էլ չունեմ: Թող վերանորոգեն, կանգուն մնա»:

Յուքարը Բաքրաչլը գյուղը, որի հին անունը եղել է Յոթ եկեղեցի, պատկանում է Ֆաթիհ Ալթայլըի պապիկին` Հուսամեդդին Ալթայլըին: Յոթ եկեղեցի հիշատակվող վանքում 5 փոքրիկ եկեղեցի կա: Յոթ եկեղեցին զգալի վնաս է կրել անցյալ տարվա երկրաշարժի պատճառով, որը հողին է հավասարեցրել Վանի բազմաթիվ գավառները,:

 Akunq.net